Home / denne sokken

denne sokken

Hoe bewaar ie oe sökken? Ok in een maandtie in de kaste? Gooi det ‘ns op de kop en kom d’r achter det onderin een paar eenzame enkele sökken ligt. Zo vergonk het mie tenminsten. Ik missen een sökke, kieperen de hele boel op bedde löag en in plaatsen van de ontbrekkende kouse, kwam ik allenig nog mar mear eenzame kousen teeng.

Van die andere helft is gin spoar te bekennen.

Ik heb oaveral ezöcht. Onder bedde (foei, wat een stof). Op de bodem van de klearenkaste (ah, die riem was ik al een heel tietie kwiet). In en achter de wasmachine (“wie was de oplader van de tillefoon kwiet, ik heb hem!”). Neans een kouse te vinn’. Ok niet in de andere maandties met kousen in huus. Ik heb kwiet gewaande bh’s en ander ondergoed terugge vunn, een deodorant van det iene merk det ze niet mear verkoopt, een nog neeje hoarböstel en zelfs een paspoart. Mar gin sökken.

Hoe kan det?

Ik kan mie vöarstellen det d’r een kear iene achter blif in wasmand of wasmachine. Mar op ienig moment mut die dan wear in roulatie komm. Toch?

Op zuuk noar oplossingen kreeg ik twee tips. De kousen in mekare doene as ie ze wast. En ollemoal dezelfde kousen kopen, dan heb ie altied gelieke setjes. Det earste lik mie vöar het schoonmaakproces niet juust. Det twidde is lastig met die moderne fratsen-kousen met een l en een r d’r op vöar de juuste voete.

Mooiste oplossing is misschien de studentenkeus: gewoon met twee verschillende sökken noar schoele goan. Mar je, ik zit niet in de klasse, ik stoa d’r vöar. Dan krieg ie d’r gauw proat van.

Beneejd of ien van ule weet hoe ik det mut oplossen.

Denne van Knöldert

Lees ook

Ode aan de Ommer stadsgids

OMMEN – Onlangs kreeg de stadsdichter van Ommen, Viviane Rose een stadswandeling van gids Ferdinand …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.