Home / denne politie

denne politie

Buma? Ja, ie weet wel, die politicus die saams met Rutte een kabinet vorm’ met de PVV as gedoog-ondersteuning. Ie weet wel, de PVV van Wilders die döar de rechter officieel töt racist is benuumd.

Het CDA? Ja, ie weet wel, die partij die oons met Balkenende an het roer met leugens en bedrog de Irak-oarlog hef in’erommeld en doarnoa een onderzuuk noar die leugens en det bedrog probearen teeng te hoalen.

Ik zol de vroag ‘papa, waarom mogen mensen zo brutaal zijn tegen de politie?’ dus better mar niet met de waarden en normen van het CDA beantwoarden. Ik ben sowieso vöarstander van scheiding van kerk en staat. Wat iemand geleuft mut e zelf weten, mar die kerken bedenkt d’r altied zovölle vreselijks bie.

Nee, as mien dochters zollen vroang wrum as of mensen zo brutoal teeng de politie bent, dan zol ik zeng det det niet teeng de politieagent zelf is, mar teeng het systeem det hij vertegenwoadigt. De politie is de man die oe ok beköart as ie wisselgeld vöar de parkearautomaat haalt, as ie drie kilometer te hard riedt, in de berm stoat te pissen woar een koniene det ok dut.

De politie beköart oe ok as ie het enkelspoar oaverstekt as de trein al weg is, de bomen half ömhoge en de rode lampen nog niet gedoofd.
“Want d’r kan nog een trein komm!”
“O ja? Woar vandan dan?”
“Noa, eh…” en hij keek noar de wegrijdende trein.
“Nee hè, niet doar vandan. Want doar ridt al een trein en het is hier enkel spoar. En kiek die andere kaante ‘ns op. Kump doar een trein an?”
“Mar de lichten bent niet e’doofd, dus ie kriegt toch een beköaring!”

Ik vinn det ie teeng zo’n systeem en haar vertegenwoardigers gerust kwoad mag wönn. Ik vinn zelfs det iemand die doar níet kwoad op wördt, det ie doar ok kwoad op mag wönn.

Want foei, wat een meningloos iemand mut det weane.

Denne van Knöldert

Lees ook

Dankzij rijksuitkering houdt Dalfsen geld over voor nieuw beleid

DALFSEN – De meest recente uitkering van het Rijk aan de gemeenten, de zogeheten septembercirculaire, …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.