Home / archiefcentraal / denne voltooid

denne voltooid

Ik ben teeng referenda. Want die goat meestal oaver onderwerpen woar wie de brede ömvang niet van oaverziet. Mar of iemand zelf mag weten of e uut het lea’m wul stappen is noe zo’n onderwerp det zich d’r heel goed vöar leent. Doar weet iederiene genog van.

Ik was trouwens verrast oaver de discussie. Ik dach det euthanasie bie een voltooid lea’m al lange mog. Nog gin twee moand elene had mien eigen va de dokter op bezuuk. Hij – mien va, niet de dokter – had het wel ehad hier. “Maar u zit er nog zo goed bij, zo helder van geest,” zei de dokter. Nou det kon wel weane, “mar ik heb een actief en waardig lea’m elene”, antwoarden mien va de dokter, woarnoa een opsomming van inderdaad een heel mooi lea’m volgen. “En noe kan ik niks mear, ik zit hier de hele dag mar in mien stoele. Ik heb een waardig leam ‘elene, ik wul d’r ok waardig met stoppen…”

De wens van mien va kon vervuld wönn binnen de procedures die doar noe al vöar geldt. Het veul onder ‘ondraaglijk lijden’.

Ik had rondom die dage vroang verwacht as ‘mag det dan wel?’ en ‘hoe bent die regels dan precies?’. Mar ik höaren allenig ‘wat mooi det det kan!’.

Ik was mien hele lea’m al trots op mien va. Mar ik ben noe dubbel trots, det hij het lef had zien lea’m gewoon te stoppen toen het voltooid was. Ik hop det ik det lef ok hebbe as het mien tied is.

Oaver det referendum nog ea’m. Hoe mooi kan ‘leamsbeëindiging bie een voltooid lea’m’ een onderwerp vöar een referendum weaene. Iederiene krig zien zinne, want iederiene krig zien eigen wet: Wie vöar is giet zien gang. Wie teeng is, mut het vöaral ok zelf niet doene.

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.