denne van knoldert earste tentfeest

Jos: Zo, dit weekend het earste tentfeest wear. In Broekland
Henk: Ja begint die ellende weer.
Jos: Tentfeesten bent wel van die feesten woar ie nooit nuchter vandan komt. Of ie mut wel heel sterk in oe schoene stoane.
Henk: Bie oons in het dorp giet het café open as de feesttente dicht giet. Det is dan vöar iederiene die de oong nog niet vol hef.
Jos: En ie goat dan gewoon lopend noar huus?
Henk: Ik woon 500 meter van het feest of, dus det kan ik kroepend wel of.
Jos: Ja, soms giet det d’r nog wel kort langs. Van de wekke fietsen mien moat nog zo de sloot in.
Henk: Dronkend?
Jos: Neu, mear gewoon wat völle ‘edrunken, dronkend is e niet zo gauw.
Henk: En toen?
Jos: Toen e wear boam water kwam had e de kikkerdril an de kop hang’.
Henk: Gewond?
Jos: De slappe lach! Hij. Mar wie ok. Met zes moaten stunn’ wie langs de kaante. Blauw van ’t lachen.
Henk: Niet van de drank mar van het lachen 😉
Jos: Mar toen was e de brille kwiet en toen deuk e gewoon het water wear in. Ik dache det ik niet mear biekwam.
Henk: Hef ‘m terugge vunn? Nee, die oamd niet. Mar een dag later is d’r met een visnettie wear hen ewest en toen vissen e ‘m gewoon op.
Jos: Hillemoal heel nog.
Henk: Ja, niks an het handje.
Jos: Toen ik thuus kwame heb ik mien vrouw det verhaal ok vertelt.
Henk: Midden in de nacht?
Jos: Ja, ik denk, die wul det ok gelieke höaren natuurlijk.
Henk: En toen?
Jos: Was e kwoad. ‘Mut ie mie vöar det onzinverhaal wakker maken? Onzin. Altied det gezoep!
Henk: Doar was ie dan mooi kloar met.
Jos: Nou, eigenlijk eam later wel. Want ik zeg teeng mien vrouw ‘noe ie toch wakker bent’
Henk: In beginne d’r zinne in te krieng in det earste tentfeest.

Denne van Knöldert

 

LAAT EEN REACTIE ACHTER

Vul alstublieft uw commentaar in!
Vul hier uw naam in

Deze site gebruikt Akismet om spam te verminderen. Bekijk hoe je reactie-gegevens worden verwerkt.