Home / archiefcentraal / denne van knoldert cijfers en feiten

denne van knoldert cijfers en feiten

In Amerika bent d’r in 2015 mear meansen dood egoane vanwege vallend meubilair, dan vanwege een terroristische anslag. Gek genog is d’r nooit een code oranje uuteroepen vöar vallende toafels…

En de verkoopcijfers van wapens daalt al een paar joar achter mekare. Het is mar det ie het weet.

Nog mear feiten en cijfers in dit leste verhaaltie van het joar:
– D’r giet mear subsidie noar fossiele energie dan noar duurzame energie.
– Het aantal slachtoffers in oarlogen daalt nog steeds.
– Bie de Vara komt PvdA-politici d’r altied goed of. VVD-politici komt oaveral met weg.
– Ie valt niet of van sporten, mar van ander etgedrag vanwege det sporten. Ie kunt d’r zelfs zwoarder van wönn as ie noa het sporten een pilsie drinkt.
– De meeste mensen vindt een asielzukerscentrum in hun dorp prima.
– Met zonnepanelen verdien ie mear geld dan det ie het op de banke zet.
– Een windmolen ís niet lelijk, wie vínd ‘m lilijk. Wat dach ie van auto’s in de stroate.
– As ie alle verkearsregels weghaalt geböart d’r minder ongelukken.
– As wie de maximumsnelheid ofschaft, bent wie völle sneller oaver, dus sneller van de weg of. Is det niet de oplossing teeng files?

97% Van de wetenschappers denkt det die hoge temperaturen döar de mens kump. Journalisten doet an höar en wederhöar en loat döarumme die andere 3% ok steeds an het woard. 50% Van de mensen denkt döarumme det klimaatverandering níet van de mens kump.

Bussemaker wul gin vuurverbod, want det mut de burger zelf oplossen. Wrum hanteart ze die regel niet met autogordels, drankgebruuk en drugs?

Met regels schaf ie eigen verantwoardelijkheid van meansen of. En döarumme hebbe wie regels neudig. Controleurs controleart vervolgens het middel in plaatsen van het doel. Strengere regels wördt vervolgens of-eleid van het middel, niet van het doel. Zinnige doelen (niet drinken as ie mut riene) wördt zonder probleem en zonder controle noa eleafd, domme regels (wie ridt d’r 10km/u bie een schoolzône?) niet.

Loate wie döarumme in 2016 zinnige doelen noalea’m en domme regels links loaten ling. Ofschaffen hoef nog niet iens, net doene of ze d’r niet bent is al genog.

Ik zol zeng, heanig an en niet te volle zoepen.

Denne van Knöldert.

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.