Home / archiefcentraal / denne van knoldert gin plicht

denne van knoldert gin plicht

Toen Andre Hazes doodging vund iederiene die baggermuziek van ’s lands dronkenlap iniens heel goed. Hazes kreeg een begrafenisceremonie in de Amsterdam Arena. ‘Zij gelooft in mij’ klinkt nog bie iedere thuuswedstrijd van het Jodenkluppie.

Ik denk det het doar ollemoal begunn is. Sindsdien giet alles massaal.

Toen pedofiel Fortuyn ter aarde besteld was leek het een dag van nationale rouw en was zien seks met minderjoarige jochies ‘leuk toch?’ Fortuyn hef in 2002 het pad geplaveid vöar Hazes (2004).

Toen Van Gaal noar Brazilië ging was e de landelijke looser. Toen Van Gaal terugge kwam uut Brazilië was e de nationale troetelbeer.

Toen de MH17 noar beneden kwam stunden d’r dagen lang ollemoal trainingspakken langs de weg öm de begrafenisauto’s te ziene. Landschappelijke droefenis als selfie vaste legg: “ik was d’r bie”.

Toen Zwarte Piet een neger bleek, was het land te klein. Wule zollen en mossen de traditie van discriminatie vaste hoalen.

Toen de radicale tekenaars van Charlie Hebdo hun postume nummer uutbrachen, wollen wule ollemoal det exemplaar he’mm. Het was zelfs in het nieuws toen donderdag de 500 Nederlandstalige exemplaren niet ‘eleaved waren. Het ging immers oaver vrieheid van meningsuuting en iederiene die het doar niet met iens is, mut de kop hoalen.

Toen het oaver de cover van det blad ging wönn Chiel Beelen bie de Wereld Draait Door de mond esnoerd döar een striptekenaar die de vrijheid van meningsuting zo hoog in het vaandel had det Chiel d’r niet anders oaver moch denken.

Toen ik van de wekke in de trein zat, hadden twee kjelties van 15-16 joar het oaver hun noageslacht.

“Ie zult toch mar een homo as zunne krieng”, zei de ien.

En de ander: “dan ben ie as vader toch een looser?”

“Ik mut d’r niet an denken.”

“Zal ok wel an de opvoeding liggen.”

Ok det is vrieheid van meningsuuting. Ik ben d’r bange vöar det het een grote demonstratie gif, as iederiene die d’r zo oaver denkt met löp.

Vrieheid van meningsuuting is een recht, gin plicht. Mar vöardeel van det iene gewoon zeg wat e denkt, is det ie wéét wat e denkt. Dan kun ie d’r rekkening mee hoalen. Dan kun ie ‘m de dommigheid uut de kop proaten.

Mar met de massaliteit woarop teengwoardig alles geböart, is det zo makkelijk nog niet.

Denne van Knöldert.

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.