‘wult wule mear of minder lawaaibellers in de coupé?’. En det dan iederiene röp: ‘minder, minder, minder’. Of: ‘Hoe pakt wie de scheidsrechter an die niet goed fluit?’ ‘Nekschot, nekschot, nekschot’, roept de voetballers in koar. ‘Wat doet wule met vrouwluu die midden in een gang van de supermarkt met mekare stoat kletsen?’ ‘emigreren, emigreren, emigreren’ röpp het winkelend publiek dan.
Mar ik pas mien strategie an. Dankzij Gekke Geert. Ik weet niet of het zien bedoeling was, mar Wilders hef bereikt wat volgens mie hard neudig is: respect he’mm vöar kansloze mensen in ons land. Gekke Geert hef mie in loaten ziene hoevölle piene die pestkop anderen andut.
‘Heb ik wear’, schient Wilders teeng zien Hongaarse vrouw ezegd te he’mm. “Op het verkearde peard ewed.’ Zien bewakers halen de scholders op, die hebt d’r een mooi baantie an, hillemoal noe Folkert vrie kump.
As ie een individu, een groep of een volk zo ofbrandt, krieg ie d’r problemen met. Kiek mar noar pubers. Hoe mear de olders d’r boa’m op zit, hoe mear ze onder het juk vandan wult, hoe lastiger ze bint.
Det werkt trouwens ok as ie d’r te lief met hen doet. Det is wichter net zo goed een gruwel. Wie leaft in een wereld van pappen en nat hoalen. Brugsmurfen kriegt earst een joar een eigen kantine, met liefde bedacht, mar met as gevolg det ze twee joar mut wennen en uuteindelijk op het HBO nog snotneuzen bent. Tjonge, wat wul det volk lange puberen.
Marokkanen is beide oaverkomm: én gepamperd en gekleineerd. Dan wul ie wel puberen. In de ergste vorm. Oe hele lea’m.
De conducteur die mie völ te vrolijk ‘goedemiddag’ zeg as e de kaarties kump knippen, ’t meanse det net vöar mie giet stoane as ik een foto wul maken van het standbeeld woar iederiene een foto van wul maken, rokers in een café en de telefonisch verkoper die mie vöarlög det e mie niet wul verkopen…
Töt vöarige wekke wol ik de doodstraf terugge vöar die gevallen. Mar dankzij Gekke Geert goa ik het anders doene. Ik begriep wrum of ze doet wat ze doet. Ik begriep det ze det kansloos maakt. Ik goa ze met respect behandelen. Met völle respect. Want allenig det brengt ze verder.
Denne van Knöldert
Meer foto's