Home / archiefcentraal / denne van knoldert purmerend

denne van knoldert purmerend

Ik was drie wekken terugge in de gelukkige ömstandigheid det ik gerookte paling moche pruu’m. Niet zo mar een stukkie, nee, ik was jury bie de Bissingh in Ommen en kreeg zestien stukkies paling die ik saams met aandere deskundigen moche köaren op smaak, klöar, vettigheid, zolt en nog wat mear van die zaken.

Zestien stukkies paling van een centimeter of zesse. Een meter paling op een vrogge woensdagmiddag, ik wörd d’r nog wat wee van in de boek.

Mar wat d’r mear van is, ik wasse doar natuurlijk vöaral as onderdeel van de folklore. Met veriende vriewillige krachten was d’r in Ommen een mooie Bissingh-dag near e zet en det trök machtig völle publiek. “Wat is det toch mooi det ule det hier ollemoal zo vöar mekander kriegt”, zei een vrouw uut het westen, ien van de velen die een camping in het Vechtdal evunn’ had.

Ik was ofgelopen donderdag in de gelukkige ömstandigheid det ik – saams met moat Frank – as sprekkert de Stöppelhaene-optocht an mekare moche proaten. Ik hoe’m gelukkig gin mening te hemm’ oaver hoe mooi alle pracht en praal was, as sprekker vunn ik álle waangs gewoon mooi.

Met de vöarofpröaties en de priesuutreikingen d’r bie heb ik een werkdag lange mien stembanden bepruufd, ik krieg zo wear zinne an een verzachtend dröppie.

Mar wat d’r mear van is, ik wasse doar natuurlijk vöaral as onderdeel van de folklore. Met veriende vriewillige krachten was d’r in Roalte een mooie Stöppelhaene near e zet en det trök machtig völle publiek. “Wat is det toch mooi det ule det hier ollemoal zo vöar mekander kriegt”, zei een vrouw uut het westen, ien van de velen die een camping in Salland evunn had.

Ik zeg: “ik bin de sprekkert, mag ik ule uutneudigen op de tribune. Kost wel entree, mar dan heb ie ok wat.” Frank en ikke deu’n de optocht in het plat. Ik zeg: “as mien gasten uut Purmenend het ollemoal nog mar wel verstoat.” Nou de optocht kwamen ze mie bedanken. De mooiste middag van hun lea’m haa’n ze had.

Ik denke det ze d’r doar onder de rook van Rotterdam nog vake oaver zult proaten. Oaver die mooie feesten in het oosten van het land, en oaver det feest woar ze zo mar iniens middelpunt van de belangstelling waren.

Graag edoane.

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.