Home / archiefcentraal / denne van knoldert roalte

denne van knoldert roalte

Ik kreeg een persoonlijk dreigement van Henk Nijhuis. As ik Roalte niet as Raolte goa schriem, least e mien column nooit mear. Dus mist Henk die mooie column van volgende wekke.

Het ging oaver mien gedachte det journalisten bepaalt wat nieuws is, in plaatsen van det ze det oaver loat an de maatschappij. Henk: “Ben blij, dat ook jij tot de conclusie kwam, dat ‘het journaille’ eigenlijk alles kan maken en breken.” Mooi toch?

Mar dan vervolgt Henk: “Ja, je wist het wel, maar wou het natuurlijk nooit toegeven. Knölderties eigen?” Fout Henk. Ie mag an mie komm, mar nie an mien familie. Die stiet d’r hillemoal buten. Ie weet toch zelf ok wel det as d’r iene in de familie een betweter is, det dan de rest nog nie zo hoef te weane 😉 ?

Het zit Henk dwars det ik Roalte schrieve in plaatsen van Raolte. Henk in zien email: “Eerlijk gezegd vind ik het uitermate slordig zoals jij met ons mooie Sallandse dialect omgaat. Naast allerlei woorden, die je volgens mij verkeerd spelt is mijn grootste ergernis het gebruik van het Sallandse woord voor Raalte.”

En as bewies haalt Henk ‘De dialecten van Centraal-Raalte’ van J.J. Spa d’r bie. Det is uut egeem bie De IJsselacademie. Ik wol doar mien boeken ‘Denne kik wat rond’ en “Denne hef d’r schik in’ ok uutgee’m, mar det wollen ze allenig as ik oaveral woar Roalte stund, Raolte zolle schrie’m. Nou, toen heb ik de drukorder in etrökken, heb het boek in eigen beheer uut egee’m en kan d’r noe nog steeds royaal van lea’m. Terwijl ze het bie de IJsselacademie nog aij’t van subsidie mut he’mm.

De IJsselacademie zit in Kampen. ‘Ebt ule wel iens noar een Kampenaar elusterd? Die zegt bevobbeld gin Henk, mar ‘Enk. Zie hoalt bie een a-klank volle mear de ‘a’ vaste, terwijl Sallanders de ‘o’ vöarrang geeft. Zoiets is erg streekgeboden. Tone Ahlers van de fietsenmaker zei mie ooit det ze “an ginse kaante van het Scholdervoorder leidertie nog aans proat as dette wie det hier doet”. En det leidertie was een heel klein sleutie dwars döar het centrum van Roalte…

Henk wul Raolte ziene: “anders lees ik je stukjes niet meer (dit kunt je beschouwen als een dreigement en als een schrijver niet meer gelezen wordt, dan ontvalt hem alle reden om nog actief te blijven op dat gebied!!)”

Mar het blif Roalte.

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.