Home / archiefcentraal / denne van knoldert linkedin

denne van knoldert linkedin

Ik krieg noe al een moand lang öm de dag een email van iemand of ik vriendie wulle wönn met hem op LinkedIn. Mar det wul ik niet. Twee kear in de wekke kump die automatisch verzunden mail wear opduken. Hoezo vriendies: rot op!

LinkedIn is vöar digitaal netwerken. Ie verbindt oe an old studiegenoten, vakbroeders en hobbydelers en kunt dan wiezer van mekare wönn. Ik kan bevobbeld verbonden raken met Jort Kelder. Wule bent collega op gebied van plat proaten. Hij bekakt Amsterdam, ik boers Sallands. Doar kunt Wearman Oet Monn, tuinman Rob van GroenRijk en Marcel Spiekerman van RTV Oot zich bie ansluten, want wie proat met mekare niks Nederlands.

Noa, en dan… Ie hebt d’r verder niks an, mar op de ien of andere maniere vind mensen het belangriek met mekare verbunden te raken. De netwerken bent al zo groot, det ie net zo goed De Gouden Gids digitaal kunt maken. Iederiene is met iederiene verbunden.

Op LinkedIn is het met vage vriendies net as in de echte wereld. Het liekt vriendies, mar öm het minste of geringste ben ie ze wear kwiet. Heb ie net een verkearde opmerking emaakt, denk ie net anders oaver zaken, vöar ie het weet giet zo iene d’r met oe vrouw vandöar. Nee, ik heb het niet zo op vage vriendies. En al hillemoal niet as het van die opdringerige types bent die iedere wekke wear een neeje mail stuurt.

Op mien werkmail heb ik gin LinkedIn, as ik werke heb ik gin tied vöar die malle fratsen. LinkedIn is vöar mie mear een spöltie vöar thuus op de banke as d’r wear niks op tillevisie is. Luu die wel op hun werk LinkedInt, kriegt meestal betaald van belastinggeld, op de ien of andere maniere hebt die mear uren in een werkdag. En det is knap. Binnen LinkedIn kom ie allerlei groepen teeng. Det bevobbeld de Sallandse platproaters zich verbindt met de Grönningse platproaters. Nou, dan mut ie wel héél völle extra uren in een werkdag hemm zitten.

Lest was ik een bittie op zuuk noar neeje LinkedIn-connecties. Ik drukken per ongeluk op een verkeard knöppie en sturen an al mien mailadresen een vriendschapsverzuuk. Die mail wördt automatisch verzunden en as ie ‘m niet beantwoardt, krieg ie ‘m twee daang later wear en wear en wear. Det weet ik , ömdet d’r ok een mail noar mien werkadres ging…

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Home / archiefcentraal / denne van knoldert linkedin

denne van knoldert linkedin

Ik krieg noe al een moand lang öm de dag een email van iemand of ik vriendie wulle wönn met hem op LinkedIn. Mar det wul ik niet. Twee kear in de wekke kump die automatisch verzunden mail wear opduken. Hoezo vriendies: rot op!

LinkedIn is vöar digitaal netwerken. Ie verbindt oe an old studiegenoten, vakbroeders en hobbydelers en kunt dan wiezer van mekare wönn. Ik kan bevobbeld verbonden raken met Jort Kelder. Wule bent collega op gebied van plat proaten. Hij bekakt Amsterdam, ik boers Sallands. Doar kunt Wearman Oet Monn, tuinman Rob van GroenRijk en Marcel Spiekerman van RTV Oot zich bie ansluten, want wie proat met mekare niks Nederlands.

Noa, en dan… Ie hebt d’r verder niks an, mar op de ien of andere maniere vind mensen het belangriek met mekare verbunden te raken. De netwerken bent al zo groot, det ie net zo goed De Gouden Gids digitaal kunt maken. Iederiene is met iederiene verbunden.

Op LinkedIn is het met vage vriendies net as in de echte wereld. Het liekt vriendies, mar öm het minste of geringste ben ie ze wear kwiet. Heb ie net een verkearde opmerking emaakt, denk ie net anders oaver zaken, vöar ie het weet giet zo iene d’r met oe vrouw vandöar. Nee, ik heb het niet zo op vage vriendies. En al hillemoal niet as het van die opdringerige types bent die iedere wekke wear een neeje mail stuurt.

Op mien werkmail heb ik gin LinkedIn, as ik werke heb ik gin tied vöar die malle fratsen. LinkedIn is vöar mie mear een spöltie vöar thuus op de banke as d’r wear niks op tillevisie is. Luu die wel op hun werk LinkedInt, kriegt meestal betaald van belastinggeld, op de ien of andere maniere hebt die mear uren in een werkdag. En det is knap. Binnen LinkedIn kom ie allerlei groepen teeng. Det bevobbeld de Sallandse platproaters zich verbindt met de Grönningse platproaters. Nou, dan mut ie wel héél völle extra uren in een werkdag hemm zitten.

Lest was ik een bittie op zuuk noar neeje LinkedIn-connecties. Ik drukken per ongeluk op een verkeard knöppie en sturen an al mien mailadresen een vriendschapsverzuuk. Die mail wördt automatisch verzunden en as ie ‘m niet beantwoardt, krieg ie ‘m twee daang later wear en wear en wear. Det weet ik , ömdet d’r ok een mail noar mien werkadres ging…

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.