Home / archiefcentraal / denne van knoldert porten innen

denne van knoldert porten innen

Bie de Wereld Draait Door zit iedere kear van die wizzkids die een nieuwe app hef bedacht. Tovenaars die iets slims hebt bedacht vöar te gebruken op een computer.

D’r mut wel behoefte an de ideeën weane, anders verkoch het niet. Det is een groot verschil met programmeurs die in opdracht werkwiezen bedenkt woardöar processen slimmer mut goane. Technisch blik dan alles meugelijk, mar of d’r behoefte an is, dus of het d’r better van wördt?

Ik heb wel iens an een app edacht die gekke computerwoarden vertaalt in gewoon Nederlands. Nem ‘app’. Det is een applicatie. En een applicatie is een toevoeging. As ik een neeje colbert kope, vroagt ze toch ok niet of ik een stropdasse as app wulle?

Bie ons postbedrief (hoe heet ze vandage de dag?) hebt ze een app ontwikkeld vöar het innen van strafport. Iemand anders had al bedacht det een postzegel vandage de dag 1 of 2 heet, in plaatsen van wat e weard is. Slim, want ie zult ziene det 60 cent heel snel 80 wördt, zonder det wie het in de gaten hebt. Mar de nieuwe maniere van strafport betalen… wie det bedacht, had niet het gebrukersgemak op zien netvlies.

D’r zat een dubbeltie te weinig op de brief die ik verstuurd had. Det leaveren mie een briefkaarte op met instructies. Ik mocht postzegel 1 op de kaarte plakken en terugge sturen. Mar ik moche ok een eenmalige incasso doene via www.postnl.nl. Postnl? Is det de PTT? En hoe slim is het, oe bedrijfsnaam op nl te loaten eindigen?

Op /betalen mos ik earst mien hele doopceel invullen, zodet ik doar ok wear geregistreard stoa en doarnoa moch ik mien dubbeltie via een 15 letters en cijfers tellende code invullen Toen det kloar was kreeg ik een mail terugge det het goed egoane was. Die mail was van de firma Porten Innen. Wie det noe wear is?

Het brach mie op het idee vöar een nieuwe app. Ik goa zelf ok van die kaarten maken en sture bedrie’m gewoon bericht det ze een 1 (of een 2, det telt harder an) te weinig op hun poststukken eplakt hebt. De sttrafport meung ze oaver maken noar teweinigport.nl. As het huidige ondudelijke systeem werkt, werkt mien systeem net zo goed. Controlearen dut bliekbaar niemand. Eam een euro betalen giet sneller. Zol Alexander Clupping mie met det idee ok uutneudigen een kear mee te goane noar de DWDD?

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.