Home / archiefcentraal / denne van knoldert gin id kaarte

denne van knoldert gin id kaarte

Reacties van Duutse belangrieke luu: ‘hij hef ezeg wat e mos zeng’. ‘Ik vertrouw ‘m op de mooie woarden die e net sprak’. ‘Ik geleuf det wie de Grieken mar mut steunen.’

Ik vind ok det wie de Grieken mut steunen, mar niet vanwege die mooie woarden van Zorba de baas. Want van die woorden geleuf ik gin donder. Stel det die man töt slot van zo’n lange dag bie Angela verkearde woorden had e sprökken… Nee, die man wus precies wat e het beste kon zeng. Döarumme was zien Engels ok zo goed. Hij had de conclusies van de dag al in het weekend vöarof, lekker onder een palmboom in zien butenverblief op Kreta, eschreem.

Naief, te denken det Griekenland anders wördt noa een mooie toespraak. En de politiek denkt det wie niet döar hebt det ze ons op die maniere bedondert.

Nog een vöarbeeld? Onze ID-kaarte. Wie mossen d’r vöar betalen. Toen zei een hoge rechter det ie niet kunt loaten betalen vöar iets wat ie de burger verplicht. Woarnoa minister Donner de wet verandert. Met terugwerkende kracht. Want wie mut al wear betalen, mar de wet mut d’r nog komm.

De PvdA hef noe bedacht akkoord te goane as de kaarte tien, in plaats van vief joar geldig wördt. ‘Mar is det dan niet fraudegevulig?’ wul de rest van de Twidde Kamer weten.

In een ander zaaltie vergadert de politiek oaver minder regels. Kunt ze doar ok niet oaver de ID-kaarte vergaderen? En dan de discussie beginnen bie het begin. Wrum mut wule ollemoal altied een ID-kaarte bie oons hemm? Zie hebt mie nog nooit, nog hillemoal nooit noar mien ID e’vroagd. En ik heb d’r dan ok nooit iene bie mie.

Ik stel vöar: gewoon ofschaffen ie ID-kaarte. Wear een regel minder. Wear een politiek debat minder. Vrogger kon het ok zonder. En as ik op stroate iets doe wat nie mag, pakt ze mie toch wel op, met of zonder ID.

Denne van Knöldert.

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.