Home / archiefcentraal / denne van knoldert motorfilm

denne van knoldert motorfilm

‘Motorfilm’ had ik de op de DVD ezet van een film die ik al twee joar terugge een kear opnam van de tillevisie. Toen het in februari mar gin lente wol wönn, heb ik die film een kear in de recorder estopt. En noa een kwartier kwam ik d’r achter: ik zatte noar het jonge leam van Che Guevara te kieken.

Een biezunder toeval was det. Want ik was disse zommer op Cuba ewest en det eiland is döar Fidel Castro én Che Guevara bevried van de dictatuur. Vanuut onze Westerse wereld denke wie det Cuba nog steeds een dictatuur is, mar det hef mear te maken hoe de VS oons det land vöarspiegelt. Zo wönn de Cuba-crisis in de joaren ’60 niet ofezwöaren (zo as wie noe nog steeds op schoele leart) ömdet Rusland de Cubaanse kernwapens weghalen die op de VS waren ericht. Nee, de crisis wönn ofezwören ömdet de VS tegeliekertied kernwapens weghalen die vanuut Turkije op Rusland gericht waren. Det leste stappie vertelt oonze Westerse geschiedenis d’r meestal niet bie.

Die Che Guevara was in zien jonge leam van onderuut Zuud Amerika noar boan erene met een oale motor. Een leste studentenreis vöardet het echte leam zol beginnen. Tijdens die reis reed e met zien motor van de iene noar de andere dictatuur. En goandeweg die reis begun het bloed van onrecht steeds mear te kriebelen. Gelijkheid, det was wat ‘Che’ wol en hij wönn een vrijheidsstrijder pur sang. Det ging niet altied zonder geweld. Uuteindelijk is e op Cuba vermoard döar de CIA. Van die kaante is d’r ok wel ‘ns geweld.

Ofgelopen weekend las ik op teletekst det Alberto Granado was overleden. Hij was de vriend die met Che Guevara die motorreis maken. En later was de goeje man op Cuba goan wonen en was e arts in het ziekenhuus. Op Cuba is de medische gezondheidszorg én gratis én van heel hoog niveau. Zo is d’r zelfs een slechtziende man uut Heeten noar Cuba ofereisd öm an de oong geopereard te wönn. Gratis gezondheidszorg, net as gratis schoele trouwens. En alle inwoners hebt per moand recht op een basishoeveel gratis etten.

Ik las op teletekst ok det de extrreem rechtse Marina le Pen (dochter van Jeane Marie) töt president van Frankriek eköazen zol wönn as d’r noe verkiezingen waren. En wie weet ollemoal det Wilders in Nederland steeds mear anhang krig.

Ik geleuve det ik binnenkort mien motorriebewies goa halen.

Denne van Knöldert

Lees ook

Boek van de Week: Het Rosie resultaat

OMMEN – Het boek van de week van Bibliotheek Ommen is ‘Het Rosie resultaat’ van …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.